"ოპოზიციურ ერთობაზე ჯვარი კი არ მაქვს დაწერილი", - აცხადებს პარტია "მოქალაქეების" გენერალური მდივანი ლევან იოსელიანი და დასძენს, რომ "ქართულ ოცნებასთან" შეთანხმების მიღწევის შემთხვევაში, პარლამენტში შევა. ამის შესახებ ლევან იოსელიანმა "დღის კურიერის" ეთერში განაცხადა.
"ჩვენ თუ დავრწმუნებით, რომ ეს შეთანხმება ამ ქვეყნისთვის წინ გადადგმული ნაბიჯი იქნება, რა თქმა უნდა, შევალთ პარლამენტში. აბა პოლიტიკაში რისთვის ვართ, ბოკერიასთან ერთად ქუჩაში ვიდგეთ? არა, იმისთვის, რომ ამ ქვეყნისთვის თუ მივაღწევთ რაღაც უკეთესს, რა თქმა უნდა, შევალთ პარლამენტში...
მე ოპოზიციურ ერთობაზე ჯვარი კი არ მაქვს დაწერილი, თუ ვხედავ, რომ ოპოზიციის ერთობის ერთ-ერთ სუბიექტს უნდა რომ მოლაპარაკება ჩაშალოს და ჩვენს საზიანოდ მოქმედებს, ნამდვილად არ გავჩუმდები, ამოვიღებ ამაზე ხმას და ეს გავაკეთეთ ჩვენ დღეს. არ მივცემთ მაგათ საშუალებას, რომ ორმა კაცმა [გულისხმობს გიგი უგულავასა და გიგა ბოკერიას] პირად ინტერესებს გადააყოლოს შესაძლებლობა, რომ ეს ქვეყანა წინ წავიდეს. მე არ მინდა ამ ქვეყანაში რევოლუცია, ამბოხებები," - აცხადებს იოსელიანი.
