"ქართული ოცნების" აღმასრულებელი მდივანი ირაკლი კობახიძე აცხადებს, რომ საპარლამენტო უმრავლესობა სადეპუტატო მანდატებს ოპოზიციური პარტიების წარმომადგენლებს მათივე განცხადების საფუძველზე შეუწყვეტს.
ამის შესახებ ირაკლი კობახიძემ "ქართული ოცნების" ოფისში გამართულ ბრიფინგზე განაცხადა.
"მივიღეთ გადაწყვეტილება, რომ საპარლამენტო უმრავლესობა საპარლამენტო მანდატებს მათივე განცხადების საფუძველზე შეუწყვეტს ყველა იმ დეპუტატს, რომელიც არ ან ვერ შეეწინააღმდეგება ოპოზიციის რადიკალი ლიდერების ამბოხის სცენარს და პარლამენტს წარუდგენს შესაბამის განცხადებას. გარდა ამისა, სახელმწიფო დაფინანსებას და სხვა შესაბამის პრივილეგიებს ვერ მიიღებენ პარტიები, რომლებიც პარლამენტში არ იქნებიან წარმოდგენილი", - განაცხადა ირაკლი კობახიძემ.
