დღეს, 26 ოქტომბერს, 13:00 საათზე, შემოსავლების სამსახურის რეგიონალურ ცენტრში საფოსტო გზავნილების განბაჟების გამარტივებული პროცედურის პრეზენტაცია გაიმართება.
შემოსავლების სამსახურის ინფორმაციით, ამანათი ჩამოსვლისთანავე გადაეცემა საფოსტო ოფისს, საიდანაც მფლობელს საბაჟო ორგანოში მიუსვლელად შეუძლია გაიტანოს. თუ ტვირთი საჭიროებს განბაჟებას, ამანათთან ერთად მფლობელს გადაეცემა დოკუმენტი, რომელშიც მოცემულია კანონით გათვალისწინებული გადასახადი. მისი გადახდა შესაძლებელია 30 დღის განმავლობაში ნებისმიერ ბანკში.