"ქართული ოცნების" საარჩევნო სიის წევრი თეა წულუკიანი აცხადებს, რომ ახალი მოწვევის პარლამენტში "ქართული ოცნება" უმრავლესობით იქნება წარმოდგენილი.
წულუკიანის განცხადებით, მას იმედი აქვს, რომ ახალი მოწვევის პარლამენტი მრავალპარტიული იქნება.
"იმედი მაქვს, რომ ძალიან მალე, როცა ახალი მოწვევის პარლამენტი შეიკრიბება, ახალი მოდელით არჩეული პარლამენტი იქნება მრავალპარტიული და რა თქმა უნდა, ჩვენ ვიქნებით ამ პარლამენტში, "ქართული ოცნება" უმრავლესობით წარმოდგენილი. რა თქმა უნდა, დავაკომპლექტებთ მთავრობას და ის ოპოზიციური პარტიები, ან მათი წარმომადგენლები, ვინც პარლამენტში იქნებიან ჩვენთან ერთად, ამის არა მხოლოდ იმედი მაქვს, ყველა საფუძველი და ნიშანი არსებობს, სწორედ იქ გაგვიწევენ ოპონირებას და რა თქმა უნდა, შევძლებთ, ვაჩვენოთ, ჩვენ ჩვენს ამომრჩეველს, ისინი თავისას, რომ ეს ქვეყანა ვითარება და არის დემოკრატია", - განაცხადა თეა წულუკიანმა.