საქართველოს ჯანდაცვის მინისტრის ეკატერინე ტიკარაძის განცხადებით საქართველოში შეფერხებები ჰოსპიტალიზაციასთან დაკავშირებით არ არის. ამის შესახებ ეკატერინე ტიკარაძემ კორონავირუსთან დაკავშირებით მოქმედი უწყებათაშორისი საკოორდინაციო საბჭოს სხდომის შემდეგ გამართულ ბრიფინგზე განაცხადა.
მისი თქმით, საქართველოში ძალიან მაღალია ჰოსპიტალიზების წილი.
"შეფერხებები ჰოსპიტალიზაციასთან დაკავშირებით არ არის. ასევე, ჩვენ გავაკეთეთ პროცენტული ანალიზი, თუ რა ნაწილის ჰოსპიტალიზაცია ხდება ჩვენი მოქალაქეების, რაც, ასევე, მიუთითებს, რომ საქართველოში ძალიან მაღალია ჰოსპიტალიზების წილი.
საგანგებო მდგომარეობის გამოცხადებასთან დაკავშირებით ჩვენ არ ვმსჯელობთ, ვინაიდან არ ვთვლით, რომ ეს ამ ეტაპისთვის ჩვენთვის არის საჭირო. რაზეც ძირითადად ჩვენ ვმუშაობთ არის პროტოკოლები. პრტოკოლებში ჩვენ ვგულისხმობთ, როგორც სტაციონარის, ასევე გაწერის პროტოკოლებს, რათა ნაკადების მართვა იყოს მეტად უფრო ეფექტური და აქტიური," - განაცხადა ეკატერინე ტიკარაძემ.