ADB-ის წლიური შეხვედრის საქართველოში ჩატარების გადაწყვეტილება, მიუთითებს ანტიკრიზისული და პოსპანდემიური სტრატეგიის და ქვეყანაში მიმდინარე ეკონომიკური ტრანსფორმაციის კიდევ ერთ აღიარებას, წერს facebook-ის პირად გვერდზე ექსპერტი გიორგი ცუცქირიძე. მისი თქმით, საქართველოს საერთაშორისო აღიარებაზე მიუთითებს თბილისში გაეროს მსოფლიო ტურიზმის ორგანიზაციის (UNWTO) აღმასრულებელი საბჭოს 112-ე სხდომის გამართვაც, მით უმეტეს, რომ საქართველო მასპინძლობდა პანდემიის დაწყების მომენტიდან პირველად გამართულ ასეთი მაღალი რანგის საერთაშორისო ღონისძიებას.
აღსანიშნავია, რომ მიმდინარე წლის 17-18 სექტემბერს ვირტუალურ ფორმატში გამართულ ADB-ის რიგით 53 -ე ყოველწლიური შეხვედრის ფარგლებში ივანე მაჭავარიანი აზიის განვითარების ბანკის მმართველთა საბჭოს თავმჯდომარედ აირჩიეს.
"ამ ღონისძიების მნიშვნელობაზე და ხასიათზე ისიც მიუთითებს, რომ მასში 5 ათასზე მეტი მაღალი რანგის სტუმარი მიიღებს მონაწილეობას, მათ შორის ბანკის წევრი ქვეყნების ფინანსთა მინისტრები და ეროვნული ბანკის პრეზიდენტები.
ნიშანდობლივია, რომ სულ რამდენიმე დღის წინ, გამოქვეყნდა აზიის განვითარების ბანკის ანგარიში საქართველოზე, სადაც ხაზგასმულია, საქართველოს მთავრობის მიერ განხორციელებული ანტიკრიზისული მენეჯმენტის ეფექტიანობა, რაც კრიზისის შესარბილებლად ეტაპობრივად, საბანკო რეგულაციების, ბიზნესისათვის საგადასახდო შეღავათების გაწევით და სოციალური პაკეტების გაფართოების მიმართულებით, კერძო მოხმარებისა და ინვესტიციების მატებით ფისკალური მასტიმულირებელი პაკეტით განხორციელდა.
ანგარიში ასახავს საქართველოს ეკონომიკის სავარაუდო განვითარების პოზიტიურ პერსპექტივებს, მომავალ წელს ეკონომიკის მოსალოდნელი 4,5%-იანი ზრდაზე, როგორც კერძო მოხმარებაში, ინვესტიციებსა და ექსპორტში, ასევე ტურიზმში, რაც შიდა ტურიზმის წახალისებით განხორციელდა.
ეს დაგეგმილი ღონისძიება იმ თვალსაზრისითაც არის აღსანიშნავი, რომ ADB არის ჩვენი ეკონომიკის ერთ-ერთი მსხვილი ინვესტორი, რომელიც მონაწილეობს მსხვილი ინფრასტრუქტურულ პროექტების, განხორციელებაში, და იქნება მძლავრი გზავნილი საერთაშორისო ინვესტორებისთვის, უფრო აქტიურად ჩადონ ინვესტიციები ქართულ ეკონომიკაში, რომლის მნიშვნელობაც პოსპანდემიურ პერიოდში კიდევ უფრო გაზრდილია.
ამ საერთაშორისო აღიარებების ფონზე, გუშინ ინტერპელაციის საპარლამენტო მოსმენებისას, კიდევ უფრო ცხადად გამოჩნდა ქართული ოპოზიციის დესტრუქციული, ცილისწამებაზე და დემაგოგიაზე აგებული ოპონირების ხასიათი, რაც იმაზე იყო მთლიანად აგებული თუ პანდემიის საწყის ეტაპზე, რატომ განახორციელა მთავრობამ ლოქდაუნი, რამაც თურმე ეკონომიკის 5%-იანი ვარდნა გამოიწვია.
ისე თვალსაჩინოებისათვის შევნიშნავ, რომ შვეცარიაშიც კი რომელმაც უარი თქვა ეკონომიკის შეზღუდვებზე და პრიორიტეტი ე.წ ჯოგურ იმუნიტეტს მიანიჭა, ეკონომიკის ვარდნის სავარაუდო პროგნოზი 4.6%-ია!", წერს ცუცქირიძე.
