გერმანია საპარლამენტო არჩევნებზე დასაკვირვებლად საქართველოში 37 დამკვირვებელს გამოგზავნის. ამის შესახებ "რადიო თავისუფლებასთან" ინტერვიუში გერმანიის ელჩმა საქართველოში ჰუბერტ ქნირშმა განაცხადა.
"ასეთი ამოცანა გვაქვს დასახული. ჩვენ სწორედ ახლა ვადგენთ მათ გუნდს. პირველი დამკვირვებლები რამდენიმე დღეში ჩამოვლენ და დანარჩენი ნაწილი ჩამოვა ოქტომბრის ბოლოს. ვიმედოვნებ, გვეყოლება ODIHR-ის სრული სადამკვირვებლო მისია, სამასზე მეტი დამკვირვებლით იმისათვის, რომ ამ არჩევნებს სათანადოდ დავაკვირდეთ", - ამბობს ელჩი.
მანამდე ცნობილი გახდა, რომ საპარლამენტო არჩევნებზე დასაკვირვებლად საქართველოში შეერთებული შტატები მოხალისეებს გამოგზავნის.
საქართველოში საპარლამენტო არჩევნები 31 ოქტომბერს ჩატარდება.
