საქართველოს მთავრობამ სამედიცინო დაწესებულებებში მედიკოსების მიერ ფარმაცევტული კომპანიების პროდუქტის რეკლამირების აკრძალვას მხარი დაუჭირა.
როგორც მთავრობის სხდომის დასრულების შემდეგ პრემიერ-მინისტრის პრეს-სამსახურის უფროსმა ნიკო მჭედლიშვილმა აღნიშნა, მინისტრთა კაბინეტმა შრომის, ჯანმრთელობისა და სოციალური დაცვის მინისტრის სანდრო ურუშაძის საკანონმდებლო პროექტს მხარი დაუჭირა.
პროექტი სამედიცინო დაწესებულებებში მედიკოსების მიერ ფარმაცევტული კომპანიების პროდუქტის რეკლამირების აკრძალვას ითვალისწინებს.
მისივე თქმით, კანონპროექტი რამდენიმე დღეში პარლამენტს დასამტკიცებლად უკვე გადაეგზავნება.
როგორც ცნობილია,სანდრო ურუშაძის მინისტრად ჯანდაცვის მინისტრად დანიშვნის შემდეგ, ახალი მინისტრის ერთ-ერთი პირველი ინიციატივა სწორედ ექიმების მიერ ფარმაცევტული კომპანიების პროდუქციის რეკლამირების აკრძალვას შეეხებოდა.
