ნატო-ს გენერალური მდივნის სპეციალური წარმომადგენელი, კავკასიასა და ცენტრალური აზიის რეგიონში, ჯეიმს აპატურაი 2008 წლის აგვისტოს ომის მე-12 წლისთავს ეხმიანება და აცხადებს, რომ ჩრდილოატლანტიკური ალიანსი საქართველოს მტკიცე მხარდაჭერას განაგრძობს.
"12 წლის განმავლობაში რუსული ჯარები არალეგალურად იმყოფება საქართველოს ტერიტორიის 20 პროცენტზე, ხოლო ამის შედეგად, ათასობით ადამიანი საკუთარი სახლებიდან და მიწიდან გადაადგილებულია. ნატო კვლავ განაგრძობს საქართველოს აღიარებას მის საერთაშორისოდ აღიარებულ საზღვრებში და მოუწოდებს რუსეთს, შეასრულოს საერთაშორისო ვალდებულებები და საქართველოს ტერიტორიიდან საკუთარი ძალები გაიყვანოს", - წერს ჯეიმს აპატურაი.
2008 წლის აგვისტოს ომმა 400-ზე მეტი ადამიანის სიცოცხლე იმსხვერპლა, მათ შორის, 170 სამხედრო მოსამსახურე იყო. ომში დაიჭრა/დაშავდა 2 232 პირი, მათგან 1 045 სამხედრო მოსამსახურე.
2008 წლის აგვისტოს ომიდან 12 წელი შესრულდა.