მცხეთის რაიონულმა სასამართლომ შაქარაშვილის საქმეზე დაკავებული ექვსივე არასრულწლოვანი პატიმრობაში დატოვა.
დაკავებულების ადვოკატები, მათი დაცვის ქვეშ მყოფთა გათავისუფლებას მოითხოვდნენ გირაოს შეფარდების, ან მეთვალყურეობაზე გადაცემის სანაცვლოდ.
დაცვის მხარემ მოსამართლის აცილების შუამდგომლობაც დააყენა, რაც არ იქნა დაკმაყოფილებული.
გამოძიება დაკავებულებს ჯგუფური ძალადობის ორგანიზებას, ძალადობაში მონაწილეობასა და თავისუფლების უკანონოდ აღკვეთას ედავება.
ცოტა ხნით ადრე, პროკურატურამ გიორგი შაქარაშვილის საქმის გამოძიებიდან 6 არასრულწლოვნის საქმე ცალკე წარმოებად გამოყო.