თბილისში, ბარათაშვილის აღმართზე ორი მსუბუქი ავტომანქანა ერთმანეთს შეეჯახა. შემთხვევის შედეგად 5 ადამიანი დაშავდა, რომელთაგან ერთ-ერთი აზერბაიჯანის მოქალაქეა.
დაშავებულები სასწრაფო სამედიცინო დახმარების მანქანამ კლინიკაში გადაიყვანა.
გამოძიება სისხლის სამართლის კოდექსის 276-ე მუხლის მეორე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.