ახმეტის მუნიციპალიტეტის ორი სოფლის - დუისისა და მატანის მოსახლეობა ქათმის გამო ერთმანეთს დაუპირპირდნენ და მხარეებს შორის მიმდინარე მოლაპარაკებებში, პოლიციასა და ხელისუფლებასთან ერთად, დილიდან ჩართულები იყვნენ პანკისის ხეობის უხუცესები.
გავრცელებული ინფორმაციით, მატნელმა ახალგაზრდებმა სოფელ დუისში ავტომობილით ქათამი გაიტანეს, რასაც ადგილზე მყოფ პირებთან შელაპარაკება მოჰყვა. სიტყვიერი დაპირპირება ფიზიკურში გადაიზარდა და მატანში მცხოვრებ ორი პირს სასტიკად სცემეს. მატანის მოსახლეობა ინციდენტში მონაწილე ქისტების დასჯას მოითხოვს.
ჩხუბში მონაწილეების დასჯის მოთხოვნით, მატანის მოსახლეობამ გზა გადაკეტა, თუმცა დღის ბოლოს გზა გაიხსნა და ორი სოფელი შერიგებაზე შეთანხმდა.
შერიგება დღეს საღამოს უნდა შემდგარიყო, თუმცა ორი სოფელი ვერ შერიგდა. მიღწეულია შეთანხმება, რომ ორ დღეში ისევ შეიკრიბებიან და მოლაპარაკებები გაგრძელდება.
