15 წლის მოზარდს, ნინო ჯარიაშვილს ოჯახი უკვე მეხუთე დღეა ეძებს. მოზარდის მამა ტელეკომპანია პირველთან ამბობს, ჯარიაშვილი სახლიდან კვირას, 19 ივლისს გავიდა და მას შემდეგ ეძებენ.
"დედამისმა დარეკა, რომ ბავშვი დაიკარგა და მე ვუთხარი, რომ გაეკეთებინა განაცხადი. კვირა დღიდან ვეძებთ. ვისთანაც მეგობრობს და ახლობლობს ყველა შემოვიარე აბსოლუტურად და ვერ ვნახე. ყველა მეუბნება, რომ არ იციან. პოლიცია ყოველდღე გვირეკავს და გვეუბნება რომ ბავშვი იძებნება. არ არის ეგეთი ბავშვი რომ ესე ადგეს, წავიდეს და დაიკარგოს. ჩემთან დადებითი, მეგობრული ურთიერთობა ჰქონდა".- ამბობს დაკარგული მოზარდის მამა.
როგორც მოზარდის მამა აცხადებს, აქვს ინფორმაცია, რომ მისი შვილი ბოლოს ბათუმში ნახეს.
"რაღაც წერილი დაუტოვებია, რომ თქვენთან ცხოვრება არ მინდა თუ რაღაც ეგეთი. ბათუმში შეამჩნიესო, ტერიტორიულად ბათუმშიოა ეს გავიგე, მეტი არაფერი. სად არის, როგორ არის, რას აკეთებს, ვისთან ერთად არის, ცოცხალია, მკვდარია, არ ვიცი. ყველა მეგობარი და დაქალი შემოვიარე, ვერსად ვპოულობ და ამიტომ მივმართე პოლიციას, იქნებ დამეხმარნონ მეთქი, მაგრამ ჯერჯერობით, არანაირი შედეგი არ არის", - აცხადებს მოზარდის მამა "მთავარ არხთან".
