5 დღის წინ გაუჩინარებული და გარდაცვლილი, თამარ ბაჩალიაშვილის მამა საგამოძიებო უწყების არაეფექტურობასა და შვილის გარდაცვალების შესაძლო სცენარზე საუბრობს.
"აი, ჩვენი მთავრობა, აი, ჩვენი პოლიცია! ვეხვეწები 5 დღეა, ბავშვი დავკარგე-მეთქი.ერთ ადგილზე მითხრეს შევამოწმეთო, სოფელში მივედი და მითხრეს, აქ არავინ ყოფილაო. აი, აქედან უკვე ეჭვი დამებადა. აწამეს და მოკლეს ბავშვი, 100%-იანია. აქედან გატყუებით გაიყვანეს. ვის რა დაუშავა?!
ზეწოლის ქვეშ იყო სამსახურში, ბოლო დღეებში რამდენჯერმე ნამტირალებიც დავინახე", – ამბობს გარდაცვლილი თამარ ბაჩალიაშვილის მამა.
თამარ ბაჩალიაშვილი 18 ივლისს ფონიჭალიდან გაუჩინარდა, სახლიდან მანქანით გავიდა, შემდეგ კი მისი კვალი დაიკარგა. მისმა ოჯახმა პოლიციას გაუჩინარებიდან რამდენიმე საათში მიმართა.
23 წლის თამარ ბაჩალიაშვილი დღეს გარდაცვლილი იპოვეს. ცხედარი თეთრიწყაროში, ტყეში ავტომანქანაში ნახეს.
