გურჯაანში, ცხრა აპრილის ქუჩაზე მდებარე ერთი-ერთი კორპუსის მეხუთე სართულიდან სამი წლის ბავშვი გადმოვარდა. იუწყება "რუსთავი2".
ბავშვი თავდაპირველად, ადგილობრივ საავადმყოფოში მოათავსეს, სადაც ქირურგიული ოპერაცია ჩაუტარდა. რის შემდეგაც კატასტროფის ბრიგადამ თბილისში გადაიყვანა. მცირეწლოვანის მდგომარეობა მძიმეა.
მომხდარზე გამოძიება 124-ე მუხლით დაიწყო, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს.