სახელმწიფო ინსპექტორის სამსახური, საქართველოს მეგობარსა და სტრატეგიულ პარტნიორს, ამერიკის შეერთებულ შტატებს, ულოცავს დამოუკიდებლობის დღეს.
დღეს ამერიკელი ხალხისთვის განსაკუთრებით მნიშვნელოვანი დღეა, რადგან სწორედ დამოუკიდებლობის აღიარებით იწყება სახელმწიფოს ჩამოყალიბება. ერის დამოუკიდებლობა არის ის ქვაკუთხედი, რომელიც მას აძლევს შესაძლებლობას, შექმნას და განავითაროს დემოკრატიული მმართველობა, დაიცვას ადამიანის უფლებები, იყოს მოწინავე და საიმედო პარტნიორი საერთაშორისო დონეზე.
ამერიკის შეერთებული შტატები არის სახელმწიფო ინსპექტორის სამსახურის აქტიური მხარდამჭერი და მნიშვნელოვან როლს ასრულებს სამსახურის ინსტიტუციური განვითარების პროცესში.
სახელმწიფო ინსპექტორის სამსახური ულოცავს ამერიკელ ხალხს დამოუკიდებლობის დღეს და მადლობას უხდის ამერიკის შეერთებული შტატების მთავრობას აქტიური თანამშრომლობისა და მხარდაჭერისთვის.