ევროპის საბჭოს საპარლამენტო ასამბლეის მონიტორინგის ჯგუფის თანამომხსენებლები საკონსტიტუციო ცვლილებების დამტკიცებას მიესალმებიან. ინფორმაცია ევროპის საბჭოს საპარლამენტო ასამბლეის ვებგვერდზე გამოქვეყნდა.
"ევროპის საბჭოს საპარლამენტო ასამბლეის თანამომხსენებლები, ტიტუს კორლატეანი (რუმინეთი) და კლოდ კერნი (საფრანგეთი), მიესალმნენ პარლამენტის მიერ საკონსტიტუციო ცვლილებების დამტკიცებას, რომელიც მმართველ უმრავლესობასა და ოპოზიციას შორის მიმდინარე წლის მარტში, საერთაშორისო შუამავლების მხარდაჭერით იქნა მიღწეული.
ასამბლეამ მუდმივად ითხოვდა პროპორციული საარჩევნო სისტემის დანერგვას საქართველოში. ახლა ეს ასეც იქნება, 2024 წლის არჩევნებიდან. გარდა ამისა, ამ საკონსტიტუციო ცვლილებების მიღების შედეგად, 2020 წელს არჩევნების სისტემა ბევრად უფრო პროპორციული იქნება ვიდრე ეს იყო ადრე, რაც პოტენციურად შესაძლებელს გახდის უფრო პლურალისტული და წარმომადგენლობითი პარლამენტის შექმნას. ჩვენ მტკიცედ მივესალმებით ამას.
ჩვენ ყველა მხარეს ვთხოვთ, შეეცადონ თანამშრომლობას დაპირისპირების ნაცვლად და კონსტრუქციულად იმოქმედონ 8 მარტის პოლიტიკური შეთანხმების დარჩენილი ნაწილის შესრულებისთვის. გარდა ამისა, ჩვენ დაინტერესებულ მხარეებს ვუწოდებთ, თავი შეიკავონ ნებისმიერი განცხადებისა და მოქმედებისგან, რამაც შეიძლება გაზარდოს დაძაბულობა და პოლარიზაცია, ან სხვაგვარად უარყოფითად იმოქმედოს გარემოზე, რომელიც საჭიროა ნამდვილად დემოკრატიული არჩევნების ჩასატარებლად.
როგორც ჩვენ განვაცხადეთ, პოლიტიკური შეთანხმება და მისგან გამომდინარე საარჩევნო სისტემა, საქართველოს სთავაზობს შესაძლებლობების ფანჯარას. ჩვენ ვთხოვთ ყველა დაინტერესებულ მხარეს, რომ სრულად გამოიყენონ ეს შესაძლებლობა საქართველოს ინტერესებიდან გამომდინარე", - ნათქვამია განცხადებაში.
განცხადების დასასრულს აღნიშნულია, რომ თანამომხსენებლები აპირებენ ნოემბერში ესტუმრონ ქვეყანას, თავიანთი ანგარიშის დასასრულებლად, რომელსაც ასამბლეას 2021 წლის იანვრის თვეში წარუდგენენ.