საქართველო მზად არის ევროპულ გზაზე უფრო მეტი და კონკრეტული ნაბიჯებისთვის გადასადგმელად, - წერს საქართველოს პრეზიდენტი Twitter-ში საქართველო-ევროკავშირს შორის ასოცირების ხელშეკრულების მე-6 წლისთავთან დაკავშირებით.
„საქართველომ და ევროკავშირმა 6 წლის წინ გააფორმეს ასოცირების ხელშეკრულება. პროგრესისა და ერთმანეთთან დაახლოების წლებმა გვაჩვენა, რომ ევროპული ინტეგრაციის პროცესს ალტერნატივა არ აქვს. ახლა საქართველო ევროპულ გზაზე მეტი, კონკრეტული ნაბიჯების გადასადგმელად მზად არის“, – წერს სალომე ზურაბიშვილი.