კვირას, ჩეხეთის რესპუბლიკაში დასრულდა საგანგებო მდგომარეობის რეჟიმი.
კორონავირუსის პანდემიის გამო, ჩეხეთის რესპუბლიკაში საგანგებო მდგომარეობა თავდაპირველად 12 მარტს გამოცხადდა. მოგვიანებით კი ორჯერ განახლდა - ჯერ 30 აპრილამდე, შემდეგ კი 17 მაისამდე.
კორონავირუსის პირველი 3 შემთხვევა ჩეხეთში 1-ელ მარტს დაფიქსირდა, სამი მათგანს იტალიაში მოგზაურობის ისტორია ჰქონდა.
ამის შემდეგ, ჩეხეთმა დაუყოვნებლივ შეწყვიტა საჰაერო კომუნიკაცია იტალიის ჩრდილოეთ რეგიონებთან, შემდეგ,ზოგადად, იტალიასთან და სხვა ქვეყნებთან, სადაც COVID-19 ეპიდემია მძვინვარებდა.
ჩეხეთში კორონავირუსით ინფიცირების 8 475 შემთხვევა გამოვლინდა. გამოჯანმრთელდა 5 462 პაციენტი, გარდაიცვალა 298 ადამიანი.
