საქართველოს ფერმერთა ასოციაციის მიერ გამოკითხული ფერმერებისა და აგრობიზნესების 60%-ი თანხმდება იმაზე, რომ ისინი ვერ შეძლებენ პროდუქტების გაყიდვას, რადგან HoReCa სექტორი (სასტუმრო/კაფე/რესტორანი) დაიხურა.
მათი აზრით, HoReCa სექტორის დახურვამ ყველაზე მნიშვნელოვანი გავლენა მოახდინა მეცხოველეობაზე, მევენეხეობაზე, სასათბურე მეურნეობებსა და მეფუტკრეობაზე.
გამოკითხულთა 65% ამბობს, რომ გაყიდვები არ გაზრდილა. 75%-ი კი მიიჩნევს, რომ პროდუქტების გასაყიდი ფასი არ გაზრდილა.
გამოკითხული ფერმერებისა და აგრობიზნესების 62% პროდუქტს ყიდის ადგილობრივ ბაზარზე და არ გააქვს ექსპორტზე.
კვლევა საქართველოს ფერმერთა ასოციაციამ ჩაატარა, რათა გაერკვია, თუ რა გავლენა აქვს COVID-19-ის პანდემიას ქართველ ფერმერებზე. მთლიანობაში გამოიკითხა 175 ფერმერი და აგრობიზნესის წარმომადგენელი. თავად გამოკითხვა კი სატელეფონო კონტაქტით მოხდა.
კვლევამ მოიცვა საქართველოს ყველა რეგიონი და სოფლის მეურნეობის ყველა ძირითადი ღირებულებათა ჯაჭვი.