მივიღეთ გადაწყვეტილება, რომ ვანის მუნიციპალიტეტში შემოღებულ იქნას იგივე რეგულაცია, რაც სხვა დანარჩენ 9 მუნიციპალიტეტში მოქმედებს, შესაბამისად, ჩატარდება პროაქტიული თერმოსკრინინგი, აგრეთვე, მუნიციპალიტეტის გასასვლელში მოწყობა სპეციალური გამშვები პუინქტები, მუნიციპაიტეტის მთელ ტერიტორიაზე შესაბამისი ღონისძიებები განხორციელდება, - ამის შესახებ კორონავირუსთან დაკავშირებით მოქმედი უწყებათაშორისი საკოორდინაციო საბჭოს სხდომის შემდეგ გამართულ ბრიფინგზე პრემიერ-მინისტრის მრჩეველმა ირაკლი ჩიქოვანმა განაცხადა.
მისივე თქმით, კორონავირუსით ინფიცირების რამდენიმე ახალი ახალი შემთხვევიდან ერთი ვანის მუნიციპალიტეტს უკავშირდება, უკვე დადგენილია გარკვეული კონტაქტები და მიმდინარეობს მუშაობა.
პრემიერ-მინისტრის მრჩეველმა საზოგადოებას Covid-19-თან დაკავშირებით ქვეყანაში არსებული სტატისტიკა გააცნო.
„როგორც თქვენთის ცნობილია, დღეს საქართველოში გვყავს 208 ადამიანი დადასტურებული კორონავირუსით, ასევე, 48 გამოჯანმრთელებული, 4682 ადამიანი იმყოფება კარანტინში და 375 სტაციონარში, ყურადღების ქვეშ. სამწუხაროდ, გვაქვს 3 ლეტალური შემთხვევა,“- განაცხადა ირაკლი ჩიქოვანმა.
როგორც მან აღნიშნა, ტელეკონფერენციის საშუალებით ჩატარებული სხდომის ფარგლებში პრემიერ-მინისტრს წარედგინა ინფორმაცია კორონავირუსთან დაკავშირებით და რამდენიმე გადაწყვეტილება იქნა მიღებული. სხდომაში მონაწილეობა საბჭოს ყველა წევრმა მიიღო.