ბოლნისის რაიონის სოფელ სამწვერისში 70 წლის მამაკაცის, თეიზ ახმედოვის ცხედარი ერთ-ერთი მეზობლის ღობეასთან აღმოაჩინეს.
ცხედარს გულის არეში დანით მიყენებული ჭრილობა აღენიშნებოდა.
ადგილობრივების განცხადებით, მათ რაიმე ხმაური ან დაპირისპირების ხმა არ გაუგიათ. გარდაცვლილის მეზობლების თქმით, მათ ეჭვი ერთ-ერთ მეზობელზე აქვთ, რომელიც პოლიციამ უკვე დააკავა.
გარდაცვლილის ცხედარი ექსპერტიზის ბიუროში გადაასვენეს.
გამოძიება სსკ-ის 108-ე მუხლით მიმდინარეობს, რაც განზრახ მკვლელობას გულისხმობს.
