ეროვნული სააგენტოს სტრუქტურაში გაერთიანებული მუზეუმ-ნაკრძალების პოპულარიზაციის მიზნით კულტურული მემკვიდრეობის დაცვის ეროვნული სააგენტო ტურისტულ კომპანიებს ვაუჩერის დახმარებით გამარტივებულ გადახდის სისტემას, განსხვავებულ ტარიფებსა და გაუმჯობესებულ მომსახურებას სთავაზობს.
ვაუჩერის მფლობელი ტურისტული კომპანიების ხელშეწყობით მუზეუმ-ნაკრძალის ტერიტორიაზე შესული ხუთი ან მეტი დამთვარიელებელი ჩაითვლება ჯგუფად, გიდის გადასახადი გაუქმდება და რაც მთავარია, გადახდა განხორციელდება უნაღდო ანგარიშსწორებით.
ეროვნული სააგენტოს მუზეუმ-ნაკრძალებში გასულ წლებთან შედარებით ტურისტების რაოდენობა 56%-ით გაიზარდა, სპეციალური ვაუჩერი კი ახალი ინსტრუმენტი იქნება, რომელიც საქართველოს კულტურული მემკვიდრეობის პოპულარიზაციის, ტურისტულ კომპანიებთან ურთიერთობის გამარტივებისა და დამთვალიერებელთა რაოდენობის ზრდის გარანტი გახდება.