შეერთებული შტატების კონგრესის წარმომადგენელთა პალატისა და სენატის თავდაცვის კომიტეტებმა შეთანხმებას მიაღწიეს 2020 წლის თავდაცვის ბიუჯეტის შესახებ, რომელიც 738 მლრდ დოლარისგან შედგება.
ბიუჯეტი მოიცავს სანქციებს გაზსადენ "ჩრდილოეთის ნაკადი 2"-ის წინააღმდეგ. ინფორმაცია გაზსადენის წინააღმდეგ სანქციების დაწესების შესახებ გასულ კვირას გახდა ცნობილი.
საბიუჯეტო დოკუმენტის მიხედვით, 71.5 მლრდ დოლარი საზღვარგარეთ ოპერაციებისთვის იქნება გამოყოფილი.
იმისათვის, რომ საბიუჯეტო აქტი დამტკიცებულად ჩაითვალოს, მას ხელი შეერთებული შტატების პრეზიდენტმა დონალდ ტრამპმა უნდა მოაწეროს.
ცნობისთვის, აშშ-ის თავდაცვის ბიუეჯტი 2019 წელს 716 მლრდ დოლარს შეადგენდა.