საპარლამენტო უმრავლესობის წერი ენძელა მაჭავრიანი ამბობს, რომ გუნდის დატოვებად რაიმე პოზიცია არ ღირს.
"მე არ ვთვლი, რომ გუნდის დატოვებად რაიმე პოზიცია ღირს. მყარად ვარ გუნდში. მეც დადებითი პოზიცია მქონდა, მაგრამ არ მიმაჩნია სწორად გუნდის დატოვება“, - უთხრა ტელეკომპანია პირველს ენძელა მაჭავარიანმა.
პარლამენტმა 2020 წლის საპარლამენტო არჩევნების პროპორციული წესით, ნულოვანი ბარიერის პირობებში, ჩატარებასთან დაკავშირებით მომზადებულ საკონსტიტუციო ცვლილებებს მხარი არ დაუჭირა. 101 დეპუტატი მომხრე, 3 წინააღმდეგი იყო. იმისთვის, რომ ცვლილებები დამტკიცებულიყო 113 დეპუტატის ხმა იყო საჭირო.
დეპუტატებმა სხდომაზე რეგისტრაცია სამჯერ გაიარეს. სხდომას 141 დეპუტატი ესწრებოდა.
