იტალიაში ბინების ქურდობისთვის 2 ქართველი დააკავეს. ადგილობრივი მედიის ცნობით, დაკავებულები 25 წლამდე ახალგაზრდები არიან, რომელთაც დანაშაული ივლისში ჩაიდინეს.
ქალაქ ტრიესტეში სახლებიდან 133 ათასი ევროს ღირებულების ძვირფასეულობა წაიღეს.
პოლიციამ ერთ-ერთი დაკავებულის საცხოვრებელ სახლში ჩხრეკა ჩაატარა, საიდანაც სამხილები ამოიღეს. სამართალდამცველებმა მეორე ეჭვმიტანილი რომის აეროპორტში აიყვანეს. მძარცველთა ჯგუფის მესამე წევრი კი ძებნაშია.
