აიაკომპანია wizzair-ი ქუთაისიდან რომის მიმართულებით რეისს ვერ ასრულებს. 3 საათზე მეტია მგზავრები ჩასხდომასა და რომის მიმართულებით გაფრენას ელოდებიან, თუმცა შესრულდება თუ არა რეისი, ჯერჯერობით უცნობია.
განრიგის მიხედვით, რეისი 16:00 საათზე უნდა შესრულებულიყო. ავიაკომპანიას განცხადება, რეისის დაგვიანებისა და იმის შესახებ, შეძლებენ თუ არა მგზავრები რომში გაფრენას, ჯერჯერობით არ გაუკეთებია.
wizzair-ის თვითმფრინავი, რომლითაც რეისი უნდა შერულებულიყო აეროპორტში დგას. ერთ-ერთი ვერსიით, რის გამოც რეისი გვიანდება, თვითმფრინავის ტექნიკური გაუმართაობაა, რომლის აღმოფხვრა 3 საათზე მეტია ვერ ხერხდება.
ავიაკომპანიის წარმომადგენელმა მგზავრებს კვების ვაუჩერები დაურიგა და კომპენსაციის შესახებ ინფორმაცია მიაწოდა. მგზავრები დაგვიანებული რეისის შესრულებასა და კომპენსაციას ითხოვენ.
