82 წლის, თუმცა დღემდე სამუშაო ფორმაში. ის ყოველთვის მზადაა ოფისში 8:30 წუთზე გამოჩნდეს.
„ჩემი ბედისწერა იყო ჟურნალისტობა",- აცხადებს "არმენპრესის" კორესპონდენტი ლევონ აზროიანი, რომელმაც დღეს, 82-ე დაბადების დღე თავის კოლეგებთან ერთად სამსახურში აღნიშნა.
„სკოლის პერიოდში სამხედრო ექიმი მინდოდა გამოვსულიყავი. მოგვიანებით, ლენინგრადის სამხედრო სამედიცინო აკადემიაშიც ვაპირებდი სწავლას, თუმცა გამოცდის წინა დღეს საკვებით მოვიწამლე და ვერ შევძელი მისვლა. არასდროს მინანია ჟურნალისტობა, რადგან ამ პროფესიამ მომცა შესაძლებლობა ხშირად მემოგზაურა. ბევრ ქვეყანაში ვარ ნამყოფი. „არმენპრესში", ბოლო 20 წლია ყველა მთავარი მოვლენის მოწმე გავხდი. ამ შესაძლებლობამ საბჭოთა კავშირიდან დღემდე არსებული ლიდერების დაკვირვების შესაძლებლობა მომცა. მე იმ წუთიდან ვარ ჟურნალისტი, რაც სუნთქვა დავიწყე",- აცხადებს აზროიანი.
ლევონ აზროიანს მედიაში მუშაობის 55-წლიანი გამოცდილება აქვს. მისი პირველი ნაბიჯები პროფესიაში თბილისში, გაზეთ „საბჭოთა საქართველოში" იწყება.
„ის დღე დღევანდელივით მახსოვს. რედაქციაში მამაჩემთან ერთად მივედი. ის იყო პირველი, რომელმაც მომილოცა და მითხრა, რომ მე შევდიოდი სამყაროში, სადაც უნდა მემუშავა თავდაუზოგავად, პატიოსნად და მიუკერძოებლად",- გაიხსენა კარიერის პირველი დღეები სომეხმა ჟურნალისტმა.
საქართველოს დღემდე განსაკუთრებული ადგილი უკავია აზროიანის გულში. აზროიანი საქართველოში დაბადებული და გაზრდილი სომეხია, რომელსაც საქართველოში უამრავი მეგობარი ჰყავს და სადაც დაკრძალულნი არიან მისი მშობლები.
2019 წელს, აზროიანმა თავისი მე-11 წიგნი „არმენპრესის" დაარსების 100 წლის იუბილეს მიუძღვნა.
„მე მიყვარს "არმენპრესი" და თავს, თმის ღერიდან ფეხის ფრჩხილამდე, „არმენპრესელად" მივიჩნევ. უბედნიერესი ვარ, რომ ჩემი კარიერა აქ გაგრძელდა. მე მახსოვს ის პერიოდიც, როდესაც "არმენპრესი" იყო უნიკალური ბრენდი, ჩვენი სააგენტო 70-80 ბეჭდურ გამოცემას ამარაგებდა",- იხსენებს აზროიანი.
სააგენტო GHN ულოცავს ლევონ აზროიანს დაბადების დღეს.
ფოტო: "არმენპრესი"
