რუსეთს და ნატოს ჯერჯერობით სხვადასხვა ამოცანები და მიზნები აქვთ. ამის შესახებ რუსეთის ფედერაციის თავდაცვის სამინისტროს გენერალური შტაბის ხელმძღვანელმა ნიკოლაი მაკაროვმა განაცხადა.
"ჩვენ მზად არ ვართ _ არც ქვეყანა, არც ხალხი, არც შეიარაღებული ძალები, რომ ჩრდილო ატლანტიკურ ალიანსში შევიდეთ, რადგან ჩვენ განსხვავებული ამოცანები და სხვადასხვა მიზნები გვაქვს. შესაბამისად ამ საკითხზე საუბარი ნაადრევია", - განაცხადა მაკაროვმა.
შეგახსენებთ, ნატოში აშშ-ს მუდმივმა წარმომადგენელმა ივო დალერმა განაცხადა, რომ რუსეთის ნატოში გაწევრიანება შესაძლებელია, თუმცა ამის შესახებ გადაწყვეტილება მან თავად უნდა მიიღოს და გაათვითცნობიეროს შეესაბამება თუ არა ალიანსის წევრობა მის ინტერესებს.
"ჩრდილოატლანტიკური ხელშეკრულება ძალიან ნათლად ამბობს, რომ ყველა ქვეყანას, ყველა ევროპული ქვეყანას აქვს ნატოში გაწევრიანების უფლება. რუსეთი ევროპული ქვეყანაა და შესაბამისად ალიანსში გაწვრიანების უფლება აქვს", _ განაცხადა დალერმა.
მისივე თქმით, რუსეთის ფედერაციის წევრობა ნატოს გადასაწყვეტი არ არის, ეს რუსეთის ხელისუფლების გადასაწყვეტია და დადგენილი წესების პროცედურების დაცვის საკითხია.
"რუსეთის ნატოში გაწევრიანება შესაძლებელია, მაგრამ უნდა შეესაბამებოდეს რუსეთის ინტერესებს და ეს გადაწყვეტილება მან თავად უნდა მიიღოს", _ განაცხადა ნატოში აშშ-ს მუდმივმა წარმომადგენელმა.
ამერიკელმა დიპლომატმა აღნიშნა, რომ რუსეთმა დამოუკიდებლად უნდა აირჩიოს ბლოკთან თანამშრომლობის ფორმატი.
მისი განცხადებით, ამჟამად ნატოსა და რუსეთს შორის ურთიერთობის ფორმატი _ "ნატო- რუსეთის საბჭო" საკმაოდ წარმატებულია.
მისი თქმით, რუსეთი და ალიანსი საკმაოდ მჭიდროდ თანამშრომლობენ მთელ რიგ საკითხებთან მიმართებაში. მან გასაკუთრებული ყურადღება გაამახვილა ავთანეთის ოპერაციაში რუსეთის წვლილზე, რომელმაც ნატოს საკუთარ ტერიტორიაზე ფრენების უფლება მისცა.
უფრო გლობალურ სფეროდ მან ანტიტერორისტულ სფეროში თანამშრომლობა დაასახელა.
