რუსები ცდილობენ რეფორმებში მიბაძონ ქვეყანას, რომელიც მტრად ჰყავთ გამოცხადებული. ამის შესახებ საქართველოს პრეზიდენტმა მიხეილ სააკაშვილმა ტელეკომპანია "ალ ჯაზირასთვის" მიცემულ ინტერვიუში განაცხადა.
ჟურნალისტის კითხვაზე - "საქართველოს ხელისუფლებას ე.წ. სამხრეთ ოსეთი და აფხაზეთის დაბრუნების იმედი აქვს, თუმცა ამ ტერიტორიებზე რუსეთის საბრძოლო არსენალის გაზრდის გათვალისწინებით ეს პერსპექტივა ხომ არ უფერულდება?", საქართველოს პრეზიდენტმა უპასუხა: " საბჭოთა კავშირმა თავის დროზე ვერ შესძლო ოკუპირებული ტერიტორიების შენარჩუნება. მეეჭვება, რომ რუსეთის ფედერაციის პრეზიდენტს ჰქონდეს ამის შესაძლებლობა".
"ამჟამინდელი სიტუაცია უკანონო ოკუპაციად ფასდება. ამას რა თქმა უნდა რუსეთი არ აღიარებს. საბჭოთა კავშირმა თავის დროზე ვერ შესძლო ოკუპირებული ტერიტორიების შენარჩუნება. მეეჭვება, რომ რუსეთის ფედერაციის პრეზიდენტს ჰქონდეს ამის შესაძლებლობა. ძალიან დიდია შიდა დაპირისპირება. ჩრდილოეთ კავკასიაში ფაქტიურად სამოქალაქო ომი მიდის. წარმოების ყველა სფეროში ვარდა აქვს, ამას დაამატეთ მთელი რიგი სოციალური ფაქტორები, კორუფციას ფაქტიურად საზღვრები აღარ აქვს", - განაცხადა სააკაშვილმა.
მისივე თქმით, რუსი, სერიოზული პოლიტიკოსები ამბობენ, რომ საქართველოს უნდა მიბაძონ და "რუსები ცდილობენ რეფორმებში მიბაძონ ქვეყანას, რომელიც მტრად ჰყავთ გამოცხადებული".
