დღეს, 25 სექტემბერს, დუშეთში სახალხო დღესასწაული "დუშეთობა 2010" "ხალიჩების ფესტივალი" გაიმართება. დღესასწაულზე წარმოდგენილი იქნება დუშეთის მუნიციპალიტეტის თვითოეული კუთხის ეთნოგრაფიული სახლი, მათი ყოფითი კულტურა და ტრადიციული სამზარეულო, გაიყიდება ტრადიციული ხელსაქმის ნიმუშები და ადგილობრივი მხატვრების ნამუშევრები. მოეწყობა ხალიჩების გამოფენა-გაყიდვა, ჩატარდება სპორტული ღონისძიებები: ქართული ჭიდაობა - საქართველოს პირველობა, მკლავჭიდი, ჭადრაკი. ქართული საბრძოლო ხელოვნების ნიმუშების ჩვენებას "ხრიდოლი" მოაწყობს.
პარალელურად დუშეთის ცენტრალურ მოედანზე გაიმართება გალაკონცერტი. მოეწყობა გაბრიელ ჯაბუშანურის წიგნის პრეზენტაცია. G
სახალხო დღესასწაულზე ასევე ჩატარდება ეკოლოგიურად სუფთა სასოფლო-სამეურნეო პროდუქტების (ფშავ-ხევსურეთი, მთიულეთ-გუდამაყარი) ბაზრობა.
