"ჩვენთვის ეს შემოდგომა არის გადამწყვეტი, რადგანაც საქართველოში ცვლილებების განსახორციელებლად დიდი დრო არაა დარჩენილი", - ამის შესახებ "ეროვნული ფორუმის" თავმჯდომარემ კახაბერ შარტავამ "პრაიმ-ტაიმის" პრესკლუბში ჟურნალისტებთან გამართულ შეხვედრაზე განაცხადა.
მისი თქმით, საერთაშორისო ორგანიზაციები შემოდგომაზე გეგმავენ ბიუჯეტს, რა ფინანსური დახმარება შეიძლება აღმოუჩინონ საქართველოს დემოკრატიას.
"ამის ინტენსიფიკაციას დასჭირდება აქციები. ის 170 ათასი ხელმოწერა, რომელიც მოგროვდა საარჩევნო კოდექსში ცვლილების შესატანად, გვაძლევს საშუალებას, ვიფიქროთ, რომ აქციებს მასშტაბური ხასიათი ექნება", - აღნიშნა მან.
შერატავს თქმით, "ეროვნული ფორუმი" მზად არის, ნებისმიერი მასშტაბის აქციის ორგანიზება უზრუნველყოს ისე, რომ ხელისუფლებას პროვოკაციების მოწყობის საშუალება არ მისცეს.
