საკონსტიტუციო ცვლილებები 2013 წლიდან ამოქმედდება. ამ პირობას იუსტიციის მინისტრი ზურაბ ადეიშვილი დებს. ეს განცხადება მან დღეს პარლამენტში რიგგარეშე სესიაზე საკონსტიტუციო ცვლილებების პროექტის პირველი მოსმენით განხილვისას ოპოზიციის საპასუხოდ გააკეთა.
საკითხი ქრისტიან-დემოკრატების ლიდერმა გიორგი თარგამაძემ დასვა.
"თუ საკონსტიტუციო ცვლილებების ამოქმედების ვადასთან დაკავშირებული საკითხი დარჩა იმ სახით, რაც დღეს არის და არ შევთანხმდით ოპტიმალურ ვარიანტზე, აღნიშნული ცვლილებები 2016 წლამე ვერ ამოქმედდება", - განაცხადა თარგამაძემ და ადეიშვილისგან მოითხოვა კონკრეტული პასუხი, თუ როდის უნდა ამოქმედდეს ახალ საკონსტიტუციო ცვლილებები.
ადეიშვილმა განაცხადა, რომ საკონსტიტუციო ცვლილებების პროექტში ამოქმედებულ ვადად მითითებულია 2013 წელი.
"თუ ეს არ არის ნათლად ჩაწერილი, მაშინ მზად ვართ შენიშვნა გავითვალისწინოთ და აღნიშნული საკითხი უფრო ნათლად ჩავწეროთ", - განაცხადა ადეიშვილმა.
