„რუსთავი 2“-ის მფლობელი ქიბარ ხალვაში ლევან სამხარაულის სახელობის სასამართლო ექსპერტიზის ეროვნულ ბიუროში ადვოკატ პაატა სალიასთან ერთად მივიდა. ის ექსპერტიზისთვის ხელმოწერის ნიმუშს აბარებს.
ჟურნალისტის შეკითხვაზე, რვა თვე რატომ არ მიდიოდა ექსპერტიზაზე ხალვაშმა უპასუხა: „ვინც ლაპარაკობს, იმაზე სამარცხვინო კაცი არ დადის ქვეყანაზე“.
შეგახსენებთ, „გამარჯვებული საქართველოს“ ლიდერის, ირაკლი ოქრუაშვილის მტკიცებით, მასსა და ქიბარ ხალვაშს შორის ბერლინში, 2010 წელს გაფორმდა შეთანხმება, რომლის მიხედვითაც, ხალვაში „რუსთავი 2“-ის მხოლოდ ფორმალური მმართველი უნდა ყოფილიყო და შეთანხმებაზე ხელმოწერა ექპერტიზის სამი დასკვნითაა დადასტურებული.
