„ხაზარაძესა და ჯაფარიძესთან დაკავშირებულ ინფორმაციას რაც შეეხება, ვფიქრობ, კითხვები, რომელიც გაქვთ, უმჯობესია, დაუსვათ საგამოძიებო ორგანოებს", განაცხადა სებ-ის პრეზიდენტმა ჟურნალისტების კითხვის პასუხად. კობა გვენეტაძის თქმით,
„თიბისი ბანკის“ მომხმარებლის ინტერესები ზუსტად იმავე ხარისხითაა დაცული, როგორც აქამდე იყო.
"რაც შეეხება „თიბისი ბანკს“, მოგეხსენებათ, ჩვენ ბანკთან ჩვეულ რეჟიმში ვმუშაობთ, როგორც რეგულატორი. მინდა, კიდევ ერთხელ ხაზი გავუსვა, რომ ბანკი არის ერთ-ერთი ჯანსაღი და ძლიერი საფინანსო ინსტიტუტი და ბანკის მომხმარებლის ინტერესები, ზუსტად იმავე ხარისხითაა დაცული, როგორც აქამდე იყო.
„ჩვენ ძალიან ბევრი ინფორმაცია მივაწოდეთ საზოგადოებას ამასთან დაკავშირებით. ეროვნულ ბანკსა და „თიბისი ბანკს“ შორის ამ წუთში და უკვე დიდი ხანია, არანაირი დავა არ არსებობს. ხაზარაძემ და ჯაფარიძემ, როგორც ფიზიკურმა პირებმა მიმართეს სასამართლოს. ეროვნული ბანკი არის აპოლიტიკური ორგანიზაცია და მიმდინარე პოლიტიკურ მოვლენებზე შეფასებას არ გააკეთებს. რაც შეეხება „თიბისი ბანკს“, რომელიც არის ეროვნული ბანკის ზედამხედველობის სუბიექტი, უკვე აღვნიშნე, რომ „თიბისი ბანკთან“ მუშაობის ჩვეულ რეჟიმში ვართ“, – აღნიშნა გვენეტაძემ.
