ქართულ ბიზნესს საშუალება ეძლევა სტამბულში დაგეგმილ საერთაშორისო გამოფენაში მიიღოს მონაწილეობა.
დამსაქმებელთა ასოციაციის ინფორმაციით, 14 ოქტომბრიდან 18 ოქტომბრამდე სტამბულში "INTERMOB 2010" ავეჯის, აქსესუარებისა და ხის მასალის ტექნოლოგიების საერთაშორისო გამოფენა-გაყიდვა გაიმართება, სადაც ქართული კომპანიებიც არიან მიწვეულნი. თუმცა რომელი კომპანიები გაემგზავრებიან სტამბულის გამოფენაზე, ეს 5 ოქტომბრისთვის გახდება ცნობილი.