2011 წელს აჭარაში 22 საკრიუზო გემი შემოვა, თუმცა მომავალი წლისთვის აჭარაში შემომსვლელი გემების რაოდენობა შესაძლოა გაორმაგდეს. ამის შესახებ სააგენტო "ჯი-ეიჩ-ენთან" საუბრისას აჭარის ტურიზმის დეპარტამენტის თავმჯდომარემ თემურ დიასამიძემ განაცხადა. მისი განცხადებით, თუკი იზმირიდან დადებითი პასუხი იქნება, მაშინ აჭარას გაცილებით მეტი საკრიუზო გემი ესტუმრება.
საუბარია ახალ საკრუიზო მარშუტზე, რომელიც იზმირიდან დაიწყება, ტურისტები გაჩერდებიან ბათუმში და ამის შემდეგ უკრაინის რომელიმე პორტში შევლენ, ხოლო უკან დაბრუნებისთვის იგივე მარშრუტს გამოიყენებენ.
2010 წელს ბათუმი 12 საკრუიზო გემს ელოდება, საიდანაც 2 გემი ბათუმის პორტში უკვე შემოვიდა.
