საქართველოს პრეზიდენტის მიხეილ სააკაშვილის შეფასებით, რუსეთი თანდათან მიხვდება, რომ არსებობს სხვა, უფრო პატივსაცემი გზა, ვიდრე ვინმესთვის კისრის მოტეხაა. ამის შესახებ სააკაშვილმა ჰარვარდის კლუბში გამოსვლისას განაცხადა.
კითხვაზე - ის რაც მოხდა ძალიან გავს, დავითის და გოლიათის ბრძოლას. როგორ შესძელით ამ ყველაფრის შემდეგ პოზიციების შენარჩუნება და ის, რომ განვითარებას კვლავ განაგრძობთ?
"რაც მოხდა ძალიან დამახასიათებელია იმ სივრცისთვის, სადაც ჩვენ ვმოქმედებთ. ვფიქრობ, ჩვენ კლასში საუკეთესო მოსწავლე ვიყავით და ჩვენს მოწინააღმდეგეს ნერვები ეშლებოდა, როცა ხედავდა როგორ პატივისცემას იმსახურებდა ეს საუკეთესო მოსწვალე. ის, მის დამცირებას ცდილობდა. ერთხელაც ჩვენ მიუტრიალდით და შევეცადეთ ჩვენ წინააღმდეგობა გაგვეწია, ამას დიდი შეტაკება მოჰყვა. შემდეგ კი სამეზობლოში პოლიციამ შემოიხედა და ჩვენ განვცალკევდით. ბიჭი ირწმუნდებოდა, რომ კისერს მოგვტეხდა, მაგრამ არაფერი არ მოხდა", - განაცხადა სააკაშვილმა.
მისივე თქმით, ყველაფრის მიუხედავად საქართველომ განვითარება გააგრძელა, ხოლო მეზობელი კი იყურებოდა და ფიქრობდა - თუ პატარა ბიჭი ასე ვითარდება ჩვენ რატომ არ შეგვიძლია.
"თანდათან ამ გოლიათმა შეიძლება იფიქროს, რომ არსებობს სხვა უფრო პატივსაცემი გზა ვიდრე ვინმესთვის კისრის მოტეხა. მე, როგორც ვხედავ და მესმის რუსეთს ესმის, რომ მათ სჭირდებოდათ მოდერნიზება", - აღნიშნა სააკაშვილმა.
ამასთან, საქართველოს პრეზიდენტმა აღნიშნა, რომ სინგაპურის ხშირი შემთხვევა მისი მხრიდან შემთხვევითი არ არის, რადგან მათ ჩინეთთან მსგავსი ისტორია ჰქონდა.
"ჩინეთს სძულდა, მაგრამ სინგაპური მაინც აკეთებდა ამას და მათ შემდეგ ერთმანეთის მიღება დაიწყეს. მართალია განვსხვავდებით მათგან, მაგრამ არსებობს პარალელები, როგორ მოქმედებდა პატარა ქვეყანა. თუ საკმარისად ჭკვიანი ხარ და მანევრირების უნარი გაქვს ეს ხანდახან ნიშნავს, რომ დაიტანჯები, როგორც ჩვენ დავიტანჯეთ, მაგრამ ჩვენ კვლავ დავდივართ სკოლაში და ვიღებთ მაღალ ნიშნებს", - განაცხადა პრეზიდენტმა სააკაშვილმა.
