ბიზნესის საქმეში სახელმწიფოს ჩარევა მიზანშეწონილი არ არის. ამის შესახებ თბილისის მერმა გიგი უგულავამ სასტუმრო "რედისონში" საერთაშორისო სავაჭრო პალატის წევრებთან შეხვედრის დროს განაცხადა.
"ბიზნესს არ სჭირდება ჭკუის სწავლება. ეს ძალიან მარტივი დეფინიციაა. ამ ადამიანებმა თვითონ იციან თავიანთი საქმის. ისინი უნდა იყვნენ თავისუფლები, რადგან რისკის ქვეშ დგება მათი ბიზნესი და მათი რეპუტაცია, ამიტომ სახელმწიფოს ჩარევა მიზანშეწონილი არ არის", - განაცხადა უგულავამ.
მისი შეფასებით, ერთადერთი, რაშიც სახელმწიფო შეიძლება ჩაერიოს, არის ის, რომ იყოს ნაკლები ბიუროკრატია, რაც ბიზნესისთვის დიდი ხელშეწყობაა.
