საქართველოში მომხდარ მოვლენებთან დაკავშირებით მთელი პასუხისმგებლობა ხელისუფლებაზე რჩება, ოპოზიციას კი ნულოვანი პასუხისმგებლობა აქვს. ამის შესახებ თბილისის მერმა გიგი უგულავამ დღეს სასტუმრო "რედისონში", საერთაშორისო სავაჭრო პალატის წევრებთან შეხვედრის დროს განაცხადა.
მისი შეფასებით, ბოლო წლებში მომხდარი მოვლენების შედეგად საზოგადოებამ მოახერხა, დაეძლია სტერეოტიპი, რომლის მაგალითებიც 90-იანი წლების დასაწყისიდან საქართველოში იყო, რომ თითოეული მიტინგის მოწყობით ყველაფრის თავიდან დაწყება შესაძლებელია.
ამის გათვალისწინებით, თბილისის მერის განცხადებით, უახლოესი 2-3 წლის განმავლობაში ქვეყანაში პოლიტიკური გარემოს მნიშვნელოვანი რყევა აღარ მოხდება.
