საარჩევნო კოდექსის შესაცვლელად ოპოზიციამ ერთად უნდა იბრძოლოს, _ განაცხადა ეროვნული ფორუმის ერთ-ერთმა ლიდერმა ირაკლი მელაშვილმა პარტიის ოფისში გამართულ ბრიფინგზე.
"ჩვენ შევაგროვეთ 140 000 ათასი ხელმოწერა იმ დოკუმენტზე, რომლითაც საარჩევნო კოდექსის შეცვლას მოვითხოვთ. უნდა მოვახდინოთ თითოეული პირის იდენტიფიცირება, რომ არ მოხდეს ერთი ადამიანისგან რამდენიმე ხმის მიცემა. უნდა მივაღწიოთ იმას, რომ ერთი ხმა ერთისთვის იყოს და არა _ რამდენიმესთვის. "ეროვნული ფორუმი" მზადაა ჩაერთოს ყველანაირ მოლაპარაკებაში, რომელიც ჩვენი მოთხოვნის დასაკმაყოფილებლად იქნება წამოწყებული", _ განაცხადა მელაშვილმა.
მისი განცხადებით, სააკაშვილის რეჟიმის შეცვლის ერთადერთი გზა საარჩევნო სისტემის გაუმჯობესებაა.
