საქართველო მსოფლიოში ამერიკისათვის ერთ-ერთ ყველაზე მეგობრულ ქვეყანას წარმოადგენს. განაცხადა საქართველოს პრეზიდენტმა მიხეილ სააკაშვილმა ნიუ-იორკის ბირჟაზე სტუმრობისას სიტყვით გამოსვლის დროს.
"საქართველო ამერიკისათვის ერთ ერთი ყველაზე მეგობრული ქვეყანაა არა მარტო იმიტომ, რომ მე აქ ვსწავლობდი. ჩვენთვის ეს არის იდეა თავისუფალი ბაზრის, დემოკრატიული და ყველა იმ ღირებულებებისა რომლებიც თავისუფლების მოყვარული ერისათვის არის მნიშვნელოვანი", _ განაცხადა სააკაშვილმა და დასძინა, რომ საქართველოს სურვილია მსოფლიოს ის ნაწილი სადაც საქართველო მდებარეობს იყოს გახსნილი დანარჩენი მსოფლიოსათვის.
"უამრავი ადამიანი რუსეთში, უკრაინაში ცენტრალური აზიის ქვეყნებში უყურებს ჩვენს მაგალითს და ფიქრობს, რომ ეს მისაბაძი მოდელია. ისინი ამბობენ - შეხედეთ საქართველომ მიაღია წარმატებას და ამას ჩვენც შევძლებთ. დამერწმუნეთ, რომ ეს არც ისე ადვილია ისეთ რთულ რეგიონში როგორშიც ჩვენ ვცხოვრობთ", _ განაცხადა საქართველოს პრეზიდენტმა.
