ჩემთვის დიდი მოვლენაა ამ არაჩვეულებრივ დაწესებულებაში სტუმრობა. "ნაზდაკის" ბირჯა განასახიერებს არა მარტო ამერიკელებისა და იმ თანამედროვე ორგანიზაციების ოცნებას, რომლებიც მე აქ ვნახე არამედ ეს ყველა ჩვენთაგანის ოცნებაა. მინდა ვთქვა, რომ ძალიან ვაფასებს თქვენს საბაზრო მოდელს, რომელსაც დიდი მომავალი აქვს და ყველაფრის მიუხედავად წარმატებით მუშაობს. განაცხადა საქართველოს პრეზიდენტმა მიხეილ სააკაშვილმა ნიუ-იორკში და "ნაზდაკის" აღმასრულებელ ვიცე-პრეზიდენტს ედ ნაიდს მისი წარდგენისათვის მადლობა გადაუხადა.
"ჩვენ შთაგონებას თქვენგან ვიღებთ, მაგრამ მინდა ვთქვა, რომ ჩვენი ქვეყანაც გახდა შთაგონების წყარო სხვებისათვის. ჩვენ ვიყავით წარუმატებელი ქვეყანა, რომელსაც ბევრი შესაძლებლობა არ გააჩნდა. შემდეგ კი წინ წავედით. ჩვენ არა მარტო გავხდით რეგიონში ერთ ერთი პირველი ქვეყანა მარტივი ბიზნესგარემოს თვალსაზრისით, არამედ ჩვენ ვფლობთ მნიშვნელოვან ენერგეტიკულ რესურსებს და ამ მიმართულებით რეგიონში ერთ-ერთ ცენტრს წარმოვადგენთ", _ განაცხადა მიხეილ სააკაშვილმა.
მისივე თქმით, საქართველოს გავლით არის შესაძლებელი ცენტრალური აზიისა და კასპიის რეგიონის ენერგო რესურსების ევროპისთვის მიწოდება.
