საქართველოში ინვესტირებით, რაც ქმნის მეტი ეკონომიკური დოვლათის შექმნის შესაძლებლობას თსუ-ს ანალიზისა და პროგნოზირების ცენტრის გამგეობის თავმჯდომარე ოთარ ანგურიძემ კომენტარი გააკეთა ავტორიტეტული გამოცემის Global Finance - ის მიერ საქართველოს შეფასების შესახებ, რომელმაც ჩვენი ქვეყანა მსოფლიოს ერთ-ერთი ყველაზე დინამიური საინვესტიციო მიმზიდველობის მქონე ქვეყნად მოიხსენია.
ოთარ ანგურიძის განცხადებით, ძალიან მნიშვნელოვანია, როცა საერთაშორისო ორგანიზაციები და საერთაშორისო გამოცემები დადებით შეფასებებს აკეთებენ საქართველოს ეკონომიკაში მიმდინარე პროცესებზე. მისი თქმით, ასეთი შეფასებები ქმნიან შესაძლებლობას, უფრო მეტი ინვესტორი დაინტერესდეს საქართველოში ინვესტირებით, რაც ქმნის მეტი ეკონომიკური დოვლათის შექმნის შესაძლებლობას.
„განხორციელებული საგადასახადო რეფორმები, რომლითაც საქართველო გახდა რეგიონში ყველაზე ლიბერალური და დაბალი საგადასახადო ტვირთის მქონე ქვეყანა, იძლევა შესაძლებლობებს, რომ უფრო მეტი პოზიტიური გარდაქმნა მოხდეს და გაუმჯობესდეს ქვეყნის სოციალური მდგომარეობა,” - განაცხადა თსუ ანალიზისა და პროგნოზირების ცენტრის გამგეობის თავმჯდომარემ. მისი თქმით, დღეს საქართველო თავისი საინვესტიციო გარემოთი საკმაოდ მიმზიდველია არამხოლოდ ისეთი ინვესტორებისთვის, რომლებმაც ზუსტად იციან, რაში ჩადონ ფული, არამედ ფინანსური ინვესტორებისთვის, რომლებსაც სჭირდებათ თანხის განთავსება, აინტერესებთ და მოსწონთ საქართველოს საინვესტიციო გარემო და საქართველოს მთავრობისგან მოელიან კონკრეტულ პაკეტებს, კონკრეტულ შეთავაზებებს.
„არსებული პოლიტიკა მიმართულია, განახორციელდეს უფრო ეფექტიანი და კოორდინირებული საინვესტიციო პოლიტიკა, რომელიც გამოიხატება უფრო სწრაფ, გამჭვირვალე და ეფექტურ გადაწყვეტილებებში ინვესტორებთან და ბიზნესებთან მიმართებაში,” - განაცხადა ოთარ ანგურიძემ.
