საქართველოს მობილური ოპერატორების ბაზრის ლიდერი "მაგთიკომია". როგორც კომუნიკაციების ეროვნული კომისიის 2018 წლის ანგარიშია აღნიშნული, "მაგთიკომის" წილი ბაზარზე გაიზარდა.
მობილური ოპერატორების საბაზრო წილი აბონენტების რაოდენობის მიხედვით, 2018 წლის ბოლოსთვის ასე განაწილდა: „მაგთიკომის“ საბაზრო წილი გაიზარდა და 40.3% შეადგინა, „სილქნეტი|ჯეოსელი“ - 35.8%, „ვიონი საქართველო“ - 23.9%.
2018 წელს, მობილური ოპერატორების საცალო შემოსავალმა 481 მლნ ლარი შეადგინა, რაც 2017 წელს მიღებულ საცალო შემოსავალზე 7.3%-ით (32.7 მლნ ლარით) მეტია. საცალო შემოსავლების თვალსაზრისით, „მაგთიკომის“ საბაზრო წილი 46.9%, „სილქნეტი|ჯეოსელის“ - 36.7%, ხოლო „ვიონი საქართველოს“ წილმა 16.4% შეადგინა.
საქართველოში მობილური მომსახურების ბაზარზე პენეტრაცია მაღალია და 143%-ს შეადგენს. კერძოდ, ერთ მომხმარებელს ერთზე მეტი მობილური ნომერი აქვს. რაც იმას ნიშნავს, რომ მომხმარებელმა ზუსტად იცის ბაზარზე არსებული ტარიფები და საჭიროების მიხედვით, სხვადასხვა მომსახურებაზე მათთვის ხელმისაწვდომ ქსელს იყენებს. მობილური აბონენტების9 რაოდენობამ 2018 წლის ბოლოს (IV კვარტალში) 5.3 მლნ აბონენტი შეადგინა
2018 წლის ბოლო კვარტალში კორპორატიული აბონენტების რაოდენობამ მთლიანი აბონენტების 25% შეადგინა, რაც ჯამურად 1.333 მლნ აბონენტია.
