აჭარაში ტურიზმის სექტორის წარმომადგენლებთან შეხვედრა გაიმართა. სასტუმრო „რედისონში“ გამართულ შეხვედრაზე საუბარი ზაფხულის ტურისტულ სეზონისთვის მოსამზადებელ სამუშაოებს, განხორციელებულ და დაგეგმილ პროექტებს შეეხო.
შეხვედრის მთავარი მიზანი, ზაფხულის ტურისტული სეზონის სამზადისისთვის, მთავრობისა და კერძო სექტორის კორდი ნირებული მუშაობის უზრუნველყოფა და არსებული გამოწვევების განხილვა იყო.
აჭარაში ტურიზმის მიმართულებით დაგეგმილ ინფრასტრუქტურულ პროექტებზე პრეზენტაცია აჭარის ფინანსთა და ეკონომიკის მინისტრის პირველმა მოადგილემ თორნიკე კუჭავამ გააკეთა.
ღონისძიებას აჭარის მთავრობის თავმჯდომარე თორნიკე რიჟვაძე და საკორდინაციო საბჭოს წევრები ესწრებოდნენ.
ტურიზმის სექტორთან გამართული შეხვედრა კითხვა-პასუხის რეჟიმში გაგრძელდა.
სასტუმროების, რესტორნებისა და ტურისტული კომპანიების წარმომადგენლებსა და გიდებს, ტურიზმის სექტორში არსებულ გამოწვევებზე და სიახლეებზე ინფორმაციის მიღების შესაძლებლობა მიეცათ.
