აზიის განვითარების ბანკის წარმომადგენლები აჭარაში იმყოფებიან. მსოფლიოს უმსხვილესი საფინანსო ორგანიზაციის მაღალი რანგის წარმომადგენლებთან შეხვედრა აჭარის ფინანსთა და ეკონომიკის მინისტრის პირველმა მოადგილემ თორნიკე კუჭავამ გამართა.
შეხვედრაზე საჯარო და კერძო თანაშრომლობის ფარგლებში სამომავლოდ ერთობლივი პროექტების განხორციელებას განიხილეს.
საქართველოსთან თანამშრომლობის სტრატეგიის შესაბამისად, ბანკის საქმიანობის პრიორიტეტულ მიმართულებებს წარმოადგენს გზების, ენერგო სექტორის, წყალმომარაგებისა და წყალარინების სისტემების ინფრასტრუქტურა და მომსახურება, საჯარო სექტორის მართვა, კერძო სექტორის განვითარება, ფინანსური სექტორის გაღრმავება და ინკლუზიურობა, მმართველობა, გენდერული თანასწორობა და ცოდნაზე დამყარებული გადაწყვეტილებების მიღება. დღეისათვის აზიის განვითარების ბანკი საქართველოში სხვადასხვა პროექტს 2,8 მილიარდი დოლარით აფინანსებს.
