28 მაისს, 09:30 საათზე, სასტუმრო რუმსის საკონფერენციო დარბაზში „გარდენ ჰოლი" (თბილისი, მერაბ კოსტავას 14 ) ახალი პროექტის „ინვესტირება უვნებელ და ხარისხიან მესაქონლეობაში" პრეზენტაცია გაიმართება. პრეზენტაციას დაესწრება გარემოს დაცვისა და სოფლის მეურნეობის მინისტრი ლევან დავითაშვილი.
პროექტი დაფინანსებულია აშშ-ის სოფლის მეურნეობის სამინისტროს მიერ, „სურსათი პროგრესისთვის" (Food for Progress SQIL) პროგრამის ფარგლებში და ითვალისწინებს 10 მილიონზე მეტი აშშ დოლარის ოდენობის დაფინანსებას, რომელიც მოხმარდება საქართველოში არსებული მსხვილფეხა პირუტყვის რძისა და ხორცის ინდუსტრიებში სურსათის უვნებლობისა და ხარისხის სტანდარტების გაუმჯობესებას.
