მსოფლიო ბანკის ექსპერტები საქსტატს შინამეურნეობების ინტეგრირებული კვლევის მეთოდებისა და მონაცემთა ბაზების სრულყოფაში დაეხმარებიან.
სტატისტიკის ეროვნული სამსახურის ინფორნაციით, სამსახურს ოფიციალური სამუშაო ვიზიტით მსოფლიო ბანკის მისია ესტუმრა, რომლებიც "საქსტატში" ერთი კვირის განმავლობაში დარჩებიან და შინამეურნეობების ინტეგრირებული კვლევის მეთოდებისა და მონაცემთა ბაზების სრულყოფაზე იმუშავებენ. ექსპერტები ვიზიტის ფარგლებში გააკეთებენ სისტემის შეფასებას, ჩაუტარებენ ტრეინინგს საქსტატის თანამშრომლებს და მოამზადებენ შესაბამის რეკომენდაციებს.
შინამეურნეობების ინტეგრირებული კვლევის საბოლოო პროდუქტებს წარმოადგენს ისეთი მნიშვნელოვანი სტატისტიკური მონაცემები, როგორიცაა სიღარიბე, საარსებო მინიმუმი, დასაქმება-უმუშევრობა და სხვა.