ხვალ, 20 სექტემბერს, თბილისში ახალი ბავშვთა საკალათბურთო სკოლა გაიხსნება. სკოლის გახსნის იდეა საქართველოს ერთ ერთ-საუკეთესო კალათბურთელს ზვიად ბაბიაშვილს ეკუთვნის.
როგორც "ჯი-ეიჩ-ენს" ბაბიაშვილმა განუცხადა, მან და მისმა მეგობრებმა მიიღეს გადაწყვეტილება ბავშვთა საკალათბურთო სკოლის გახსნის შესახებ, რაც ხელს შეუწყობს არა მხოლოდ სპორტის ამ სახეობის პოპულარიზაციის კიდევ უფრო ზრდას, არამედ ბავშვებში ცხოვრების ჯანსაღის წესის დამკვიდრებას.
"ჩვენთან სკოლაში ბავშვებთან გამოცდილი მწვრთნელები იმუშავებენ. სისტემატიური ხასიათი მიეცემა მოქმედი კალათბურთელების მიერ მასტერ-კლასების ჩატარებას. შორს ვარ იმ აზრისგან რომ ყველა ბავშვი დიდ წარმატებას მიაღწევს, მაგრამ დარწმუნებული ვარ უმეტესობა მათგანი ჯანსაღი ცხოვრებით იცხოვრებს", _ განუცხადა "ჯი-ეიჩ-ენს" ზვიად ბაბიაშვილმა.
როგიორც მან გამნარტა, იმ ფონზე, როდესაც საქართველოს ეროვნული ნაკრები ევროპულ ასპარეზზე მნიშვნელოვან პოზიციებს იმკვიდრებს და ქართველი კალათბურთელები სულ უფრო მეტად პოპულიარულები ხდებიან არა მხოლოდ ევროპაში არამედ მის ფარგლებს გარეთაც საჭიროა ახალი შევსებისათვის ზრუნვა.
ბავშვთა საკალათბურთო სკოლა 192-ე სკოლაში გაიხსნება.
შეგახსენებთ, რომ ზვიად ბაბიაშვილს საქართველოს სამგზის ჩემპიონია, თამაშობდა საქართველოს ეროვნული ნაკრებში, არის გასული სეზონის სუპერლიგის საუკეთესო მოთამაშე.
